對金錢、數字從來沒太清晰的概念。
做過那麼多份奇怪工，經常上山下海，有人會機關算盡，利益最大化。
可能我對數字太不敏感，於我眼中，扣除車費，番左呢份工Overall是賺的，便是賺了！
何必再為數元車馬費而花這麼多心神！（雖然有時不只是數元！我是不是人來的？！）
可能是因為現在我打工，多是出於過日辰拎經驗，收入不是我最關注的罷。
***
昨天吃麵，要付款一刻才驚覺自己未去atm禁錢！我話我禁完先番黎食，但呀姐話食左先啦，唔使專登食完去禁架，下次行開呢頭先俾番啦。真係架，食左先啦。
！我話我有15蚊，俾住先！
結果我食完拿拿臨行最短路線去atm，之後到7仔買野飲唱散張一百蚊紙，再回去交回呀姐四蚊。
呀姐笑容可掬，似乎沒想過我會回來，最後收下四元。
好喜歡這種人情味哦。
***
現在我要每科都有b+，才能保持2nd up hon。
玩完。
夢碎。
少壯不努力。
