張敬軒 Deadline

唉

每個月都有一日懺悔唔做運動作息不定時。-_____-

唉。

戒凍飲。

平淡是福

究竟，是否甘心一畢業就投身教育行列？甘願就這樣與這份職業結婚嗎？
每天就是上課改功課出卷改卷，加插撰寫大量行政文件和輔導個案；或許每年這個時候都籌組學生出賽朗誦節；忙著處理學會新會員資料。

好像好悶是不是？

唔知算唔算好彩，我嘗試過大抵畢業後不會從事的前線服務業，深深體會這行的流水作業，工作中冇野值得記住，甚至應該唔希望有野記住(因為有深刻事通常代表有麻煩客人要deal with)，每日重重複複......這令我能夠收窄自己的候選行業。

早陣子看雜誌看到容祖兒的專訪，她說「其實在某一行久了，工作就難免重複」！這說話多震撼我心靈！

她是對的哦~就算做到CEO，每天都是重複的開會和應酬呀，做得多都算是流水作業呀。或許我該明白現實中不會有那麼多戲劇性的事情，亦不應該每天呻悶，怨做的事重複。

應當領略一下平淡是福的道理。

冇得番轉頭

近來找工作，都提不起勁。
因為迪士尼的工資相對起來是高的，現在看見其他工資「一般」的工作都沒興趣。
唉，定係我好好的HEA下呢~就不定過幾年我會後悔自己花時間做兼職。
但，我又想想地去清華...好唔好賺夠$6500去呢...

省下買賀卡的錢

另外，終於買了新手錶。

美物

某夜失眠，想敷燕窩mask，我又冇喎，於是翌日便去尋找。

其實我早屬意美麗日記，說尋找只是找個賣得便宜點的地方。

看了幾個銷售點，都沒有之前賣四十多元那麼便宜，心想到樓下manning $58買算了。

結果，當天正價貨品七五折，美麗日記賣到$49，仲要萬寧獨家多兩塊！

如果早一點遲一點，我就會買了貴東西。我經常想，生活中常常有這麼微妙的match，會帶來好多意想不到的結果的。(買盒mask咋喎！-_-)

早陣子花了二百多元買甲油。

我希望，這是我最後一次買甲油。塗得多始終對身體不好(會致癌)，況且我已經有好多支，唔想再一支未用完又買支差不多色既番黎；亦想控制一下自己的物慾，儲下錢；更何況好明顯呢堆存貨用到畢業都用唔哂，我點知我第時份工俾唔俾我用尐咁誇張既甲油呢！？

得到友人於公司拿的H2O+ SAMPLE(謝), 既然係任拎, 我就著他「幫我拎到同貨SIZE一樣為止」。如果我RENEW CONTRACT, 我就可以自己狂拎...。COSMOGIRL今期送MIOGGI生命水。

護膚品存貨實在多到令人懊惱。



我好得閒地寫無聊字

基本上大三的課已經不多，仲要連地獄的普通話三都冇得讀，可想而知本人的時間表是何等優閒。

仲要...我辭左工。單身女子放假冇拖拍又唔使做part time，唔使番學我就日日係屋企鋪塵。。。
次次話搵新工，到真係打算寫covering letter resume時又淆底︰冇回音又會傷心；有回音既話又要去陌生地方interview；見得成工又要接受新一次on job training；又要熟悉新環境認識新同事……做生不如做熟，是有道理的。(我就係這種冇咩冒險精神的人)

又，早陣子與一位舊同事飯聚，隔離個枱四個女仔bilebala，神情之囂張，令人厭惡。我明白一班豬朋狗友gathering係會咁，重點是，這班名校出身的女子，說了一句「咁樹仁都算係大學既」。當然佢地唔知鄰桌就有一個讀緊樹仁既人。我只係想講，樹仁今日排在大學之末，只係因為校長校監堅持一個所有大學將來都要推行的四年學制。樹仁不是因為學術水平未夠班才被人忽略的，她是因為當年堅守自己的辦學理念，才被港府唾棄三十多年。

想起另一份工既老細，話因為出身所以title同人地唔同。我知我畢業會遇到什麼，但我已有心理準備，亦不會怨樹仁這個名字。